மீள் வருகை

மழை வரும் மாலைப்பொழுதைமுந்தி சொன்னது மேகக்கூட்டம்
மழையும் வந்தது இடியோடு

வராத விருந்தினர் வந்ததைப்போல்
வணக்கம் சொல்லி வரவேற்றோம்
வாசல் வந்த மர்ந்து

வான்மழையை ரசித்த படியே
பொத்தானில் பொருத்தி யிருந்த
மின்சாதன இணைப்புகளை நீக்கவில்லை

படக்கென்று அருகாமையில் இடி விழ
போனது அத்தனையும் -சரிசெய்ய
பத்தாயிரம் தேவையென் பதனால்

ஒவ்வொன்றாய் பழுதுநீக்க முடிவெடுத்து
முதலில் தொலைக்காட்சி பின்னர்
கணினி, இணைய இணைப்பென

இன்று தான் இன்னல் தீர்ந்தது
இதனாலே இடைப்பட்ட நாள்களிலே
இணையம் வர இயலவில்லை

இவனுக்கு என்ன ஆனதென்று
இல்லம் வந்து விசாரித்த
இணையத் தம்பதியினருக்கும்

இதுவும் கடந்து போகும்
இன்னலுற வேண்டாமென செல்லமாய்
இயம்பிட்ட எம் முத்துக்கவிஞருக்கும்

இணையத்தில் இல்லாத பொழுதினிலும்
வலைச்சரத்தில் அறிமுகம் செய்திட்ட
கீத சகோதரிக்கும் குமார சகோதரருக்கும்

அனுதினமும் வருகை தந்து
அடியேனின் வலைப்பூவை
வாசம் செய்த நண்பர்களுக்கும்

நன்றியைச் சொல்லிடத் தான்
நற்றமிழ் சொல்லெடுத்து வந்திட்டேன்
நல் உள்ளங்களைத் தொடர்ந்திடவே...

............................................நன்றி...............................................................
இணையத்தம்பதியினர்: மலர்தரு.திரு.மதுகஸ்தூரிரங்கன் அவர்கள்-மகிழ்நிறை திருமதி மைதிலி கஸ்தூரிரங்கன் அவர்கள்.

முத்துக்கவிஞர்: கவிஞர் திரு.நா.முத்துநிலவன் அவர்கள்

கீத சகோதரி; கவிஞர் திருமதி.கீதா அவர்கள்

குமார சகோதரர்: திரு.பரிவை மனசு குமார் அவர்கள்

கீழுள்ள திரட்டிகளில் ஓட்டளித்தும், சமூக தளங்களில் பகிர்ந்து கொள்ளுங்கள்... நன்றி...!