வேண்டுகோள்

இரு கண்களில் நுழைந்து
இருதயம் பார்த்தவளே- உன்
நேசத்தையும் பாசத்தையும் உன்னதமாய்
நெஞ்சோடு பகிர்ந்த என்னவளே..

அனுதினமும் அன்பைப் பரிமாறி
அன்னையின் நகலாய் வந்தவளே
உன் சந்திப்பு நிகழாவிட்டால் நான்
சமுத்திரத்தில் விழுந்த மழைத்துளி..


உன் கடைவிழி பார்வை
பட்டதற்கே பட்டமரம் போல்
இருந்த நான் இன்று
பாலில் விழுந்த தேன்துளி..

உன் முழுமுகம் காண
நிலவைத் தொலைத்த அமாவாசை
இரவைப் போல் கேள்விகளால்
வேள்விகள் செய்து காத்து
இருக்கிறேன் காலம் கனிந்துவர..

என் வாழ்க்கை பாதையில்
இருளகற்ற களங்கரை விளக்காய்
என்னோடு வந்துவிடு காலம்
முழுதும் கலங்காது நானிருக்க..

கீழுள்ள திரட்டிகளில் ஓட்டளித்தும், சமூக தளங்களில் பகிர்ந்து கொள்ளுங்கள்... நன்றி...!