எங்கள் முதன்மைக்கல்வி அலுவலர் செய்த மற்றுமொரு சிறப்பு

வணக்கம் நண்பர்களே!
பெரியவர் முதல் சிறியவர் வரை யார் தன்னை நாடி வந்தாலும் அவர்களின் வேண்டுகோளுக்கு செவி கொடுத்து இன்முகத்தோடு வழி அனுப்பும் புதுக்கோட்டை மாவட்ட முதன்மைக் கல்வி அலுவலர் நா.அருள்முருகன் அவர்களைப் பற்றி நான் கூறிவதை விட விகடன் குழுமத்திலிருந்து வெளிவரும் சுட்டி விகடன் என்ன கூறுகிறது என்பதைப் பார்ப்போமா!

தமிழக வரலாற்றில் முதன்முறையாக..
தமிழக வரலாற்றில் முதன்முறையாக பள்ளிக்கல்வித் துறையின் 'புதுக்கோட்டை மாவட்ட முதன்மைக் கல்வி அலுவலகத்திற்கு' ஐ.எஸ்.ஒ தரச்சான்று வழங்கப்பட்டுள்ளது. இதற்குக் காரணமாய் இருப்பவர் அங்கு மாவட்ட முதன்மைக் கல்வி அலுவலராய் பணியாற்றும் முனைவர் நா.அருள்முருகன்.

வளரும் தொழில்நுட்பத்தைப் பயன்படுத்தி அனைத்து பள்ளிகளையும் இருந்த இடத்தில் இருந்தே நேர்மையாக சோதனை நடத்துவது.. தலைமையாசிரியர் வந்தாலும் சரி, கடைக்கோடியில் இருக்கும் இளைய ஆசிரியர் வந்தாலும் சரி, அவர்களை சந்திக்க பொதுத்தன்மை உருவாக்கியது.. பணிச்சூழலில் ஏற்றத் தாழ்வுகள் எதுவும் இல்லாமல், மாணவர்களுக்குக் கல்வி கற்றுக் கொடுக்க கணினியைப் பயன்படுத்துவது.. அலுவலக ஆவணங்களைக் கணினி மயமாக்கியது.. என இன்னும் சொல்லிக்கொண்டே போகலாம்.

இது ஒருபுறமிருக்க.. இன்னொருபுறம் தமிழ்த்தடயங்களைத் தேடியலைந்து தமிழ் தொன்மையை இவர் மீட்டெடுத்துக் கொண்டிருக்கிறார். இவரின் நன்முயற்சியால் தமிழகத்தில் முதன்முதலாக பள்ளிக்கல்வித் துறையின் 'புதுக்கோட்டை மாவட்ட முதன்மை கல்வி அலுவலகத்திற்கு' ஐ.எஸ்.ஒ.தரச் சான்று கிடைத்துள்ளது...
                                                       ------------------

குறிப்பு
எங்கள் புதுக்கோட்டை மாவட்ட முதன்மைக்கல்வி அலுவலர் அவர்கள் இத்தனை பணியோடு வலைப்பூவிலும் நேரம் கிடைக்கும் போதெல்லாம் இல்லையில்லை இதற்காகவே நேரம் ஒதுக்கித் தன்னுடைய செறிவு மிக்க எழுத்தினைப் பதிந்து வருகிறார். இதுவே அவர்களின் வலைப்பக்கம் :
நடை நமது

கீழுள்ள திரட்டிகளில் ஓட்டளித்தும், சமூக தளங்களில் பகிர்ந்து கொள்ளுங்கள்... நன்றி...!